miércoles, 6 de mayo de 2015

UGAOKO HERRI KROSSA



Maiatzaren 3an, Ugaon, herri krosseko zortzigarren edizioa izan genuen Goizeko hamaiketatik eguerdiko ordu bata arte iraun zuten lasterketek; lehenak prebenjaminak izan ziren (4-6 urte bitartekoak), 400 metro egin behar izan zutenak. Ondoren, benjaminak (7-10 urte bitartekoak) ibilbide berarekin. Alebinak eta lehen urteko infantilak segidan (11-13urte bitartekoak )1.100m egin behar zutenak. Bigarren urteko infantilak eta kadeteak (14-16 urtekoak), 2,2km-ko ibilbideari aurre egin behar izan zioten eta, azkenik, senior korrikalariek (17 urtetik gorakoek) 5,5km osatu izan behar zuten. Bi ugaotar suertatu ziren saridun biak ala biak bigarren heldu zirelako helmugara: benjaminetan, Kerman Goikuria; kadetetan, 3.D taldean dabilen Josu Gutierrez ikaslea.

Sariei dagokionez, kategoria bakoitzeko hiru lehenengoei kopa bana eman zitzaien eta seniorretan lehenengo neska eta mutilari, txapela eta 100€ko txartela, Ugaoko dendetan gastatzeko. Horretaz aparte, Ugaoko lehen neska eta mutilari sari bana eman zieten. Sari banaketa bukatutakoan, ondorengo sarien zozketa egin zen: telebista bat, tablet bat, Bilbao Basket ikusteko lau sarrera, sei ardo kutxa, gazta eta pernila.  
Josu Gutierrez/ Aitor Sanfrutos ( prentsa tailerra)

No hay comentarios:

Publicar un comentario en la entrada