domingo, 25 de diciembre de 2016

"MANIKI" IZOZTUAK

Hala da, bai! Arrakasta itzela izan dute Mannekin izeneko bideoek sare sozialetan; ikasleen ideia bikainei jarraiki, guk ere  bideo "izoztuak" egin dizkiegu talde batzuetako ikasleei.  Konturatu zaitezten zelan aurkitzen ditugun ikasleak klasera sartzean: batzuk, ikasten; beste batzuk, jolasean, asko eta asko  mugikorrei begira, azken lagunen mezuei adi, edota Olentzerori opari zerrenda idazten..., kar, kar, kar!!!

Edozelan ere, honen bitartez Gabonetarako ZORIONIK beroenak opa dizkizuegu, baita datorren urte berria aurtengoa baino hobea izan dezazuen ere.




domingo, 18 de diciembre de 2016

KODEAREN ORDUA


Gure ikasleek eta irakasleek Kodearen Ordua 2016 ekimen globalean parte hartu dute. Izan ere Arrigorriaga Institutua modu ofizialean Bizkaiko ikastetxe publiko bakarra izan da mundu mailan egiten den jarduera honetan.




Kodearen Ordua Konputazio Zientzietarako ordu bateko sarrera da, mundu guztiak programatzen ikas dezakeela erakusteko eta honela diziplinaren oinarrizko kontzeptuak modu dibertigarrian ulertzeko. 

Zehaztasun guztiak web site honetan ikus daitezke:  bit.ly/kodeordua

(Arrigorriagabhi.net orrialdetik hartua) Juan Carlos Guerra

jueves, 15 de diciembre de 2016

FILMA LABURRAK ARRIGORRIAGAN

Beste urte batez etorri zaigu Lonbo aretora Film Laburren lehiaketa. Gure ikastetxeko ikasleak gustura hartzen dute parte ematen dituzten film barregarrietan; izan ere, umorea da gehienek duten ezaugarrietako bat. Hala, abenduaren 13an 3.eta 4. DBHko eta 1.eta 2. DBHOko ikasleek ikusi  eta gozatu dituztenen arteko batzuk ondorengoak izan dira: 
                       -DIE FREUDIN
                       -LA DISCO RESPLANDECE
                       -LAS REGLASDEL SUBJUNTIVO
                       -DUELO A LAS 12
                       -APOLO 81
                       -RULETA
                       -17 AÑOS JUNTOS
                       -CENIZO

Disfruta ezazue azken aurrekoaz, niri neuri behintzat ikaragarri gustatu zitzaidan: solidaritatea, eta umorea,  biak maisuki uztartzen dituelako.



Ikasle gehienen esanetan azkenekoak izan dira gustukoenak. Antolatzaileek botoak emateko eskatu zieten eta horretarako filme laburren izenburuak zituzten orritxoak pasatu zizkieten. 

Aipamen bi egin behar ditugu gure ikasleek izan duten jarrerari buruz: oraindik badute zer ikasi; lehenengo, garbiago izaten, alde egindakoan, behea zikinkeriaz beterik utzi baitzuten;  eta bestetik, aretoetan isiltasuna mantentzeko  erronka bere gain hartu beharko lukete gure ikasle maiteek.

Ahh! Ahaztu baino lehen, bat bera ere ez da euskaraz izan. Ummm! Zer pentsatu ematen dit!!

BATXILERGOKO IKASLEAK, BILBOKO BERREGINEN MUSEOAN

Lehengunean,  abenduaren 7an, Bilboko Berreginen Museora joan ziren 2. batxilergoko Arte irakasgaiko ikasleak. Bertan, ebaluaketan zehar ikasitako hainbat artelan ikusi eta azaldu zizkieten.  Argazkiak ere piloak atera zituzten. Hemen utziko dizkizuegu, gozatu ditzauen, horietako batzuk.
  


Blanca Bajo (2.DBHOko ikaslea)

KIROL EGUNA 2016

Beste urte batez, abenduaren 2an,  tutoreak gurasoekiko batzarretan daudela aprobetxatuz, KIROL EGUNA antolatu da ikastetxean. Hainbat ikaslek hartu dute parte futbol zein saski-baloi partidetan.
Eguraldi ederrak lagundu du lehiaketak martxa onean joan daitezen.

viernes, 2 de diciembre de 2016

LEHENENGO HITZA DA GILTZA


Bada hilabete bat baino gehiago "Lehen hitza da giltza" izeneko ekimenari hasiera eman geniola. Gurasoekiko batzarretan euskarari lehentasuna emateko orduan, eta orain EUSKERAREN EGUNA dela kausa ideia bikaina bururatu zaielako HNPko arduradunei: tutoretza orduetan ikasleek kartoi edo paperezko giltzak egitea izan da ekimena, nahi izan duten eran eta kolorez, euskara erabiltzearen garrantziaz ohar daitezen. Zoritxarrez, bizi garen inguruan, daukagun erdal gizartearen eragina handia denez, nahiz eta askok ondotxo jakin, nekez da euskara lehen erabilitako hizkuntza. Gogoa jar diezaiogun, beraz, jarrerak aldatzeko eta zaharrak berri bihurtzeko. 



                             

HNPko ikasleek gehien bat bideotxo ederra prestatu dute, euskararen bidetik jarraitzeko eta bultzatzeko asmoa dutela adierazteko. Hona hemen denok ikus dezazuen.


jueves, 1 de diciembre de 2016

TTAKUN-TTAKUN



Txalaparta jotzen ikasi nahi? bai?, bada, ez galdu aukerarik eta ostegunetako atsedenaldietan jantokian jarriko diren bi txalaparta jotzeko beta aprobetxa ezazue. HNPtik bideratu nahi den ekintzetako bat duzue; euskara eta euskal kultura bultzatu ez ezik horren barruan txalaparta jotzen ikasteko tailerra ere dakarkizue.

Animatu eta arrimatu!!!

GELA ITXIKOAK ARTE EDERRETAKO MUSEOAN

Joan den azaroaren 4an, Bilboko Arte Ederren museora hurbildu ginen, eta bertan Carmelo Ortiz de Elgearen artelanak ikusteko aukera izan genuen. Lanak ikusi ostean, tailertxo batean parte hartzeko aukera izan genuen eta beste ikastetxeekin batera eratzen ari diren ormairudiaren zatitxo baten gure aztarna utzi. Tailerrean, Doña Casilda parkean hartutako hosto batzuk margoztu genituen teknika ezberdinekin eta ondoren, esan bezala, ormairudian jarri, argazkietan ikus dezakezuenez.


Naiara Aparicio (Gela itxiko irakaslea)

miércoles, 30 de noviembre de 2016

ORTUA ATONTZEN

LOMCE izeneko hezkuntza lege berriak aukerakoak kendu zituenetik, ez ditugu ikasleak ortua-indoor izeneko kutxatzarrarren inguruan ikusi, ez belar txarrik kentzen, ez landare dotorerik jartzen. Eskerrak gela egonkorreko gure ikasle finek ideia bikaina izan duten, eta txukun eta polito-polito jarri duten barruko ortu hori. Hori bai! lehenengo landare-dendan egokiak erosi eta gero landatu. Itxura ederra dute, ezta?


lunes, 3 de octubre de 2016

AGENDA 21 MARTXAN DA

Ikasturte honetan Patxok Marian Calvo irakasleari pasatu dio Agenda 21eko lekukoa. BIOANIZTASUNA, ESPEZIE INBADITZAILEAK EKIDIN izango da aurtengo gaia. Horretarako, urtero bezala, eko-ordezkarien aukeraketa egin eta Agenda 21eko batzordea sortu ondoren, ikasturtean zehar hainbat jarduerari ekingo diete. Gaiari buruzko berriak institutuko TXOKO BERDEAN ikusgarri izateaz gain, sortu den blog berrian ere agertuko dira: http://ea21arrigorriaga.blogspot.com.es

LEHENENGO HITZA EUSKARAZ

HNPtik iritsi zaigu ondorengo ekimena: LEHENENGO HITZA EUSKARAZ izenekoa. 
Kontuan izanik joan den astean eta honetan tutoreek gurasoekiko batzarrak dauzkagula eta euskararen presentzia bermatzeko konpromisoa hartu dugula zentroan, egokitzat jotzen dugu gurasoekiko batzarretan euskararen erabilera bultzatzea. Horrela, guraso euskaldun eta euskara ez dakitenen eskubideak bermaturik geratuko lirateke. Horretarako, euskarazko azalpenekin hasi arren, apurka eta zatika gazteleraz itzultzen joango ginateke, behar den informazioaz den-denak jabe daitezen. 
Eskerrik asko ulertzen ez duzuen horiei, pazientziaz zain zaudetelako noiz informazioa itzuliko. Ezinbestekoa da zuen laguntza hizkuntzaren normaltasunerako.

martes, 13 de septiembre de 2016

BERRIRO HASIERAN

Aste bete joan zaigu uda eta opor osteko lasaitasunetik bueltan ikastetxeko ateak ikasle guztientzat zabaldu zirenetik, irailaren 7an, hain zuzen ere. Felix eta Javi Lopez de Murillas irakasleen laguntzaz tropelean barik astiro eta ordenean sartu ziren ikasleak haien geletan. 
Ongi etorria eman nahi zaie lehenengo mailan hasi direnei, kurtsoetan gora egin dituztenei, irakasle finko eta etorri berriei, idazkaritzako langileei, garbitzaile eta gure Arrigorriagako zentro hau betetzen duten guztiei. 




Manuela Virto ikasketaburua


Gogoratu nahi dizuegu zuzendaritza taldean nortzuk dauden: Agurtzane Vallejo zuzendari andereak bigarren ikasturteko agintaldiari ekingo dio; Manuela Virtok eta Mari Carmen Alonsok ere bigarren urtea dute ikasketaburutza lanetan; berria dugu, ostera, Naiara Urzaa idazkaritzako kargua hartu duen irakaslea, Joseba Bilbao irakasleak bi urteko kargua bete ondoren lekukoa pasatu baitio.

Aipatu behar da aurten 1eta 2DBHko mailatan banatzen diren liburu solidarioak lehenengo egunean eman zaizkiela ikasleei. Eskerrak Naiara Urzaak izan duen ordena eta txukuntasunari, biltegia erabat liburuz gainezka egon baita, Eta ez dut ahaztuko Guraso Elkartekoek eman duten laguntza baliotsua. 



Gogotsu hasi!. Badakizue zer esaten den halakoetan: gogoko tokian aldaparik ez!!!






miércoles, 22 de junio de 2016

BRIKOMANIA PROGRAMAK TEKNOLOGIAN

Aurten ere, gure Naiara Núñez teknologiako irakaslea berakatza baino finago ibili da  2DBHko ikasleekin. 

Brikolajea gustuko? mahai-jokoak egiten ikasi nahi? landareak erein, konposta egin, zabor bilketa..., Hori eta gehiago DBH 2ko ikasleek grabatutako brikomania programetan ikusi ahal izango duzu. Ez galdu! lehenengo 4 saioak ikusgai dituzu eta!




domingo, 12 de junio de 2016

SIRIAKO ERREFUXIATUEN KANPALEKUAK

Siriako errefuxiatuak, gerra zibilaren ondorioz Siriatik beste herrialde batzuetara, inguruko herrialdeetara, ihes egin duten pertsonak dira.
2016ko hasieran, bost milioi errefuxiatu baino gehiago erregistratu ziren eta gaur egungo herri husketarik handiena izan da. Siriako gerra zibilak kalte handiak sortu ditu, handiena eguneko 6000 pertsonatik gora egiten duela ihes herrialde horretatik

Ondokoak dira errefuxiatu gehien hartu duten herrialdeak:

Herrialdea:
Errefuxiatu erregistratu:
Turkia
2.749.140 errefuxiatu
Libia
1.055.988 errefuxiatu
Jordania
638.633 errefuxiatu
Alemania
245.000 errefuxiatu
Serbia
313.114 errefuxiatu

Hainbat arazo daude errefuxiatuekin:
1. Errefuxiatu asko ez dira kontuan hartzen. Uste baino gehiago dira gerratik ihesian dabiltzanak.
 2. Helmugan dauden herrialdeak krisian daude.
Gutxik du inguruetako herrialdeetan sartzeko baimena; gehienek kanpalekuetan geratu behar dute. Gainera hatutako herriek krisi gorrian daudenez, ez dute diru laqguntza nahikorik datozen guztiak kontrolpean eta ondo zaintzeko. Asko kaleetan barrena dabiltza zer janik eta non lo egin ez dutelarik.
   3. Seme alabeen hezkuntza alde batera uzten da.
Ezin dute eskolara joan, ezta kanpamenduetan ikasi, ezin dituztelako liburuak eta materialak erosi.
 4. Errefuxiatu Sirio asko Sirian gelditu dira.
Batzuk kanpamenduetara doaz  eta beste batzuek ahal duten moduan dendak zabaltzen dituzte. Batera zein bestera, beti daude arriskuan.

  5. Errefuxiatuen zelaiak espetxe bezalakoak dira.
Zelaiak poliziak babesten ditu, eta errefuxiatuak ezin dira atera. Kartzela modukoak dira.

Zaatariko kanpalekua
Umeen egoera da lazgarriena. Adibidez, Zaatariko kanpalekuan 80.000 pertsonatik erdiak baino gehiago umeak dira. Kontuak atera zenbaterainokoa den egoera, garbitasunaz arduratzen den ume talde bat, higieneaz kezkaturik, ur sistemak hobetzen saiatu da gaixotasunei aurre egiteko. Hezkuntza arloan, kanpalekuan hiru eskola egon arren, ez dago hara nor doan eta nor ez doan kontrolatzeko modurik. Arazorik larriena, eguraldi kaxkarrak dakar: euria ari duenean dena da lokatza eta miseria, non gorderik ez dute eta. Horrez gain, ume zein nagusiek harrapatzen dituzten marrantak zein bestelako gaisotasunek ez dute giroa batere hobera egiten.
Bitartean, Europa zaharreko agintariek arazoari lepoa emanda bizi dira. Aspaldiko goi bilera batean hartutako akordioak betetzeko ere ez dira gauza. Zain daude milaka gizon, emakume eta ume ondoko herrialdeeko auzokideek noiz anaitasuna eta solidaritatea erakutsiko. Hurrengoak geu izan gaitezke herrialdetik ihes egiten. Nork jakin!!!


Iker Diaz & Jon Irazabal (Prentsa tailerra)

PELIKULEN GOMENDIOAk


Aspertuta zaudete? Pelikula bat ikusi nahi duzue baina ez dakizu zein? Lasai! Gaurkoan hainbat pelikula gomendatuko dizkizuegu.
Jakin ezazue pelikula bat ikustea ez dela ondo pasatzeko, barre egiteko edota negar egiteko soilik; pelikulak asko irakasten digute eta horietatik hainbat ikas dezakegu.



1- MAITASUNEZKOA.
The spectacular now (2013).
Tim Tharp-ek idatzitako nobela batetik ateratako istorioa da, James Ponsoldt du .zuzendari.
Asko gustatu zitzaidan pelikula da, Sutter mutiko juergista eta Amiee neska lotsatiaren istorio erromantikoa kontatzen du filmak. Ez da betiko dena polita eta perfektua den istorioa; honetan errealitateak gordinago jotzen du. Amodiozko pelikulak gustatzen bazaizkizue gomendatzen dizuet.



2-KOMEDIA.
Zortzi euskal abizen (2014).
Emilio Martínez-Lázaro zuzendari duen film honek hainbat sari jaso ditu , sekulako arrakasta izan zuelako zinemetan.
Oso pelikula ona eta barregarria da, Aktore oso onak eta momentu barregarriak ditu; horregatik lagunekin ikusteko aproposa da.



3-DRAMA.
La vita è bella(1997).
Zuzendaria Roberto Benigni duen filmak sari piloa jaso zituen bere garaian.
Nazien eta faxisten arteko pelikula dramatikoa da, Bigarren Mundu gerran kokatua. Poztasunez, momentu gogorrez eta tristeez betetakoa. Familiarekin batera edota lagunekin ikusteko pelikula hezigarria da.


4-AKZIOZKO PELIKULA.
Zaldun iluna (2008)
Christopher Nolan da film honen zuzendaria. Christian Bale (Batman) eta Heath Ledger (Jocker) dira pertsonaia nagusiak pelikulan. Pelikula dibertigarria, akziozkoa. Batmanen trilogia osatzen duen filmetako bat da. Superheroien pelikulak gustatzen zaizkizue? bada, orduan hau ere gustatuko zaizue. Heath Ledgeren pertsonaia (jocker) oso dibertigarria da eta batzuetan oso sikopata.


5-INTRIGAZKO PELIKULA.
Gone girl (2014).
David Fincher zuzendatutako pelikula saritua da.
Nick Dunne poliziari bere emaztea desagertu dela jakinarazten diote, baina denbora aurrera doala susmagarri bihurtzen da, eta jende guztiak galdera bera dauka… Nickek bere emaztea hil du? Intrigaz betetako pelikula ikaragarria, benetan gomendatzen duguna.

6-ANIMAZIOZKO PELIKULA.
Up (2009).
Zuzendariak Pete Docter eta Bob Peterson dira.
Gizon zahar bati buruzko istorioa da. Gizon horrek milaka puxika etxe bateko teilatutik zintzilik jarri eta etxe eta guzti hegan egitea lortzen du. Berarekin batera, esploratzaile den mutiko bat ibiliko da.
Marrazki bizidunez eginiko pelikula oso ona, dibertigarria bezain samurra ikusi nahi baduzue, hau da gomendagarriena.



7- BELDURREZKO PELIKULA
Brad Parker zuzendaria duen pelikula gustuko izango duzue beldurrezko filmak gogoko badituzue. Ez du munstrorik edo galdutako izpiriturik, suspensea da nagusi, nahiz eta batzuetan,beldurraren beldurraz barrre egiten den. Nire ustez, beldurrezko filmak lagunekin ikusteko aproposak dira.




Jone Landa eta Joao Gomes (Prentsa tailerra)

OIHANEKO LIBURUAREN ITZULERA


Oihaneko liburuaz gogoratzen zarete? Txikitan irakurri edo kontatu ziguten liburu famatua itzuli egin da.
1967an arrakasta handia izan zuen marrazki bizidunezko filma atera zuten Oscarra ere irabazi zuen. Oraingoan, Disneyk egingo duen filmean pertsonaia errealak ageriko dira.
Protagonista nagusia, Mowgliren papera egingo duena, Neel Sethi izeneko aktore indiarra da. Hainbat pertsonaia gehiagok ere parte hartu du filmean, adibidez: Bill Murray, Ben Kingsley, Idris Elba, Lupita Nyong'o, Scarlett Johansson, Giancarlo Esposito, Christopher Walken, eta Garry Shandling. Horietako batzuek animaliei ahotsa jarri diete; ez dira agertuko filmean.
Zuzendaria, Jon Favreau da, hainbat akziozko pelikuletan aritu izan dena.
Denok  dakigu Mowgliren istorioa nola hasten den: oihanaren erdian otso talde batek hazten duen mutiko baten abenturak. Bat-batean, bere etxea izan dena utzi egiten du gizajoak, Shere Khan tigreak ez baitu oihanean gizakirik onartzen.

Rudyard Kipling idazleak idatzi zuen Oihanako liburua, 1865an Bombayn (Indian) jaiotako idazle ingelesa dugu, Bizitzako lehenengo urteak Indian igaro bazituen ere, sei urtekin Londresera joan zen bizitzera, eta bertan hil zen 1936an.
Gazterik ikasten hasi arren, ikasketak ezin izan zituenez ordaindu, Oxforden beka bat eman zioten eta beranduago aitak Pakistanen lana lortu zion. Geroago, toki txiki bateko egunkariko editorea izan zen.
Hasieran, idazle moduan ez zuen arrakasta handia izan baina “Oihaneko liburua” 1894an argitaratu eta handik aurrera dena aldatu zitzaion. “Kim” izeneko liburuak ere 1901an argitaratu eta arrakasta bereganatu zuen.
1907 urtean, Stockholm-n, Literatura Nobel saria eman zioten. Bizitzaren gogorraz idazten zuen, adibidez, Britaniar inperioaren erorketaz, semea hil zitzaion Lehenengo Mundu gerraz , ...
1937an, hil ostean, berak idatzitako autobiografia argitaratu zuten.



Jone Landa & Joao Gomes (Prentsa tailerra)

GAZTEEN GAURKO MODA


Interneteko

Zer da moda? J
anzteko erabiltzen diren arropa eta beste gehigarri batzuek eramateko moduari deritzo moda, une jakin batean erabili eta urtero berriztu daitekeena. Hemen gaztetxoen janzteko itxuraz arduratuko gara. Bi motatakoak dira gure artean ezagunenak: lehenengoak moda jarraitzen dutenak eta moda beti erabiltzen dutenak. Bigarrenak, kontrakoak dira, hau da, ez diotenak modari kasurik egiten, eta zer eramaten den ardura ez zaienak. Baina, uda honetan pinpirin eta lerden pasiatu nahi baduzue, egin kasu gure kazetari azkarrak ematen dizkizuen aholkuei  
internetekoa

Nesken moda:
Nesken kasuan, iaz flekoak eta dortsal kamisetak moda-modan zeuden. antezko kamisetak eta boltsa txikiekin batera. Kordeldun bodiak ere arrakasta handia izan zuten.

Internetetik hartuta
Aurtengo udan, ordea, modan jantzi nahi izanez gero,  kolore biziak eta grabatuak eros ditzakezu. Arropa asimetrikoak eta alkandora handiak ere egongo dira sasoi honetan salgai. Topak eta bolanteak asko erabiliko diren arren, aurtengoan  enkajeak eta farfailak gehituko zaizkie alkandora eta oihalez egindako arropei.
Ileari dagokionez, aurten ez da horren luzea modan egongo. Beraz, badakizue, neskak zapatzar luxenga horiei artazia sartu, fresko-fresko egon zaitezten.

Mutilen moda:
Mutilen kasuan, Lacoste markak 20ko hamarkadan atera zituen poloekin zera baino goapoago egongo zarete, txulo-txulo!  berriro izango dira joera eta. Urdin ilunak gure erakusleihoetako arropa dendak beteko ditu. https://i.ytimg.com/vi/nEnlpO53uyY/maxresdefault.
Internetekoa
Eta ilea nola eramango dute mutil gazteek? Undercut orrazkerak sekulako jarraitzaileak izango ditu: gandor luzea buru gainean eta aldeetatik zein atzetik erabat moztuta, oilar guztiak inbiditan jartzeko moduko piura!!.

Saioa Ordorika (Prentsa tailerra)





KOMIKI LEHIAKETA 2016- SARIDUNAK

Badator uda ate joka gure ikasleen inguruetara. Ekainak ekarri dizkigun lehenengo egun  beroek odola bor-bor jarri diete ikasle koittaduei; gure neska-mutileek, opor usainari ezin eutsirik, bukatzeko sekulako gogoa darabilte buruan; batzuk algaraka dena gaindituko dutelakoan eta beste batzuk urduri eta nerbioak jota, errepikatuko duten beldurrez.

Azken txanpan gaudela,  haize freskoa ekarriko dizueten 1,eta 3 DBHko ikasleen komikiak utziko dizkizuegu zuen gozamenerako. Ideia bikainak benetan. 
Hurrengo ostiralean, ekainaren 17an, atsedenaldian izango da sari banaketa. Adi eta etorri 



1 DBH

GARAUA IPURDIAN
PAULE ELLAKURIA
ERIKEN ARKATZA
ANE BIKANDI
ALTXOR MISTERIOTSUA
ASIER ALBIZUA
MIMO
GARAZI MACHO
ROBOTA , SENTIMENDUAK
AINHOA RODRIGUEZ


3 DBH

RAJOY OPORRETAN
AXULAR BAHILLO
LAN MAHAIAREN BORROKA
ANE AGUIRRE ETA ANGELA MARTIN
MODA KONTUAK
ANE ROMERO
PLAZER UNE BAT, MINA BIZITZA OSOAN
LORENA MUÑOZ
IZENBURURIK GABE (OKIN…)
ANE PORTILLO
LOLANTA
JUNE MONTERO
NOLA EGIN KOMIKI BAT
ARNAITZ ALVAREZ