JOSE LUIS ITURRIZARREKIN HIZKETAN

Jose Luis Iturrizar Gardiazabal gure institutuan berria dugun gizarteko irakasleari, elkarrizketa egingo diogu. 

-Gaztea zinenean zen nahi zenuen izan  handitzean?

Gaztea nintzenean ez nekien ondo zer izango nintzen, baina historia ikasten hasi nintzen eta ikasi eta gero lizenziatua izan ondoren ez zegoen aukera handirik. Azkenengo momentuan hezkuntza munduan bukatu nuen,  zer egingo nuen ondo ez banekien ere, ia-ia kasualitatez hasi nintzen lan honetan.

-Noiz eta non hasi zinen irakasten?

Beno, ba, ni Astrabuduan hasi nintzen irakasten, duela 20 bat urte aniztasun kurrikularreko talde batean, ikastea asko kostatzen zaien ikasleekin 

-Gizartez aparte, beste arloren bat inoiz irakatsi duzu?

Nik geografia eta historia emateko baino ez dut ikasi; beraz, arlo horiek besterik ezin dut irakatsi.

-Zergatik aukeratu zenuen Arrigorriagako institutua ?

Ez dakit, ba. Ni ordezkoa naizenez gero, abuztuaren bukaeran zerrendan dauden tokien artean gustukoenak ordenan aukeratu behar ditut, gero zeinetara joatea egokitzen zaidan beste kontu bat da, nik ezin dut erabaki nora joan, Administrazioak ematen duen tokira. 3 urte jarraian Laudioko institutuan ibilia naiz, baina aurten hemengo plaza  aukeratu nuen garbiagoa zelako, hemen gizarte soilik irakasteko zelako... beste plaza batzuetan  gizarte eta musika eman behar nuelako. Gainera, han Laudion beti egon izan naiz lehenengo zikloko ikasleekin; hemen, ordea, politagoa da 3. mailakoekin egotea, batez ere 3 taldetan ematen dudalako. Hala ere, ez pentsa, batzuetan damutu egiten naiz, oso ikasle builati eta zalapartatsuak direlako Edozelan ere, hemengo plaza aukeratzen etxetik hurbil egoteak asko lagundu dit.

- Inoiz ikasle bati "mania" izan diozu, begiz jota izan duzu?

Maniagatik ulertzen dena inoiz ez, nahiz eta batzuetan ikasle batzuen portaerak hori baino gehiago merezi duen. Niretzat denak izango dira nire ikasleak eta saiatzen naiz ondo eta berdin tratatzen guztiak, berriro diot, batzuetan zaila den arren, eta noizean behin, uste orokorraren kontra, begikoak ditudan arren.

-Badakigu nekazaritza arloan aritutakoa ere bazarela; azalduko diguzu zelako animaliak dituzun baserrian?

Bilbon bizi naiz eta hori esatean denak pentsatzen dute hirian bizi naizela, baina inguruetako mendietan hainbat baserri daude. Ni hango baserri batean bizi naiz, behiak eta txahalak ditut. Asteburu honetan, esate baterako, jaio zen bat; horregatik, orain goizaldeko bostetan altxatu behar dut esnea emateko…Ardiak, txakurrak, zaldiak eta beste animalia asko ere baditugu.

-Norbaitek laguntzen dizu baserrikoak gobernatzen zu institutuan zauden orduetan?

Bai, gure etxean aita eta biloba ere bizi dira… Gainera, orain biloba langabezian dagoenez, ni institutuan nagoen orduetan berak hartzen du baserriko lanen ardura.

-Nola moldatzen zara baserria zaindu eta irakasle lanak aurrera  ateratzeko?

Kontuan hartu behar dugu baserriko lanak denbora librekoak direla eta nire benetako lana irakaskuntzakoa denez, inoiz ezin izango ditut pilo bat behi izan, zaila izango nukeelako denen kargua hartzea.

Dani Cantos / Nerea Bilbao ( Prentsa tailerra)