martes, 24 de diciembre de 2013



KONPOSTAGAI BERRIAK

Dakigunez, konpostatzen eta birziklatzen ez duguna erre egiten da, kutsadura ikaragarria sortuz. Ez hori bakarrik, erraustegira eramatea garestia da. Horregatik ari gara konpostatzen, gutxiago kutsatzeko eta dirua aurrezteko. Gainera, lortutako konposta landareentzako ongarri ezin hobea da.
Pausotxo bat egin dugu aurrera, eta belarra, txirbila, kafea eta fruta azalez gain, beste bi konpostagai berri ditugu: orbela eta ogia. 


Aurrerantzean ere, apurka-apurka, gauza gehiago konpostatzen saiatuko gara. Eskerrik asko denoi jantokian egiten duzuen lanagatik!


ZUHAITZAK-1

Aurten ere, iazko bidea jarraituz, zuhaitzak landatzeari ekin diogu. Hauexek landatu ditugu orain arte: lau aranondo, bi intxaurrondo, gaztainondo bat, bi gorosti, mertxikondo bat eta elorri zuri bat; hamaika zuhaitz, guztira. Hona argazki bat:




Ez dira horiek aurten landatuko ditugun arbola bakarrak; beste batzuk ere etorriko dira. Gainera, ditugunak zaintzen ari gara. Institutuko beheko aldean dagoen arte ederrari, esaterako, alboko zuhaixka kendu diogu, traba egiten zion eta. Itxura ederra du orain:


Esan bezala, beste batzuk ere etorriko dira; ea denon artean institutua edertzen dugun!

sábado, 21 de diciembre de 2013

GABON ZORIONTSUAK ETA URTE BERRI ON DENOI!!!!!!

Atzo izan genuen urteko azken klasea. Datorren urtera arte ez dugu berriz elkar ikusiko!  GABONAK gainean ditugu. Lasaitasunerako unea dugu, familian, guraso eta senitartekoekin; janik eta edanik ez dugu faltako, ez horixe, mila kutizia dastatzeko unea. Jairik jai ibiltzeko aukera paregabeak ere izango ditugu egun hauetan: Olentzero opariz beterik  datorrelako, kanpai hotsek urte berriaren susmoari eutsiko diotelako, eta nahikoa ez bada, hiru errege magoek 2014ko hasierako egunei gozo zaporea emango dietelako kabalgatetako umeen irrien soinuen bitartez.
GOZATU ETA ONAK IZAN!!!!!

Ez ahaztu etxerako lanak egitea!!!!!!

2013ko AZKEN IRRATSAIOAK




miércoles, 18 de diciembre de 2013

2013KO SANTOMASAK INSTITUTUAN- EGITARAUA

San Tomas eguna abenduaren 21ean ospatzen da Euskal Herri osoan; egun oso garrantzitsua dugu Donostian, Bilbon, Azpeitian etab. Jatorriz, XIX. mendean  sortu zen, baserritar asko, maizter baserrietan bizi zirenean, aldiro errenta ordaindu behar ziotelako nagusi edo jabeari. Errenta ordaintzeko eguna hasieran San Martin (azaroaren 11) izaten bazen, azkenean San Tomas eguneraino luzatzen zen epea. Egun horretan baserritarrak hirira jaisten ziren errenta ordaintzera, eta, bide batez, euren produktuak (barazkiak, kapoiak, oilaskoak,odolosteak,...) saldu eta beste batzuk erosten zituzten.

Denborak aurrera egin ahala, ohitura hori tradizio bilakatu da. Salmentan eskainitako barazkiak, fruta eta animalien jakiak postuetan eskaintzen dituzte baserritarrek. Bilbon, adibidez, Areatzan eta Plaza Barrian jartzen dira; Donostian Konstituzio plaza, Gipuzkoa plaza eta Alde Zaharreko beste leku batzuk ere hartzen dituzte.
Merkatuetan baserriko produktuak erosten eta probatzen ditugu, gehien probatzen dena taloa eta txakolina dira.

Arrasaten, adibidez tradizio handikoak dira Santamasak, XIV.mendetik egiten dira, Pedro I krudelak, Gaztelako erregeak, 1351an baimendu eta legeztatu zituenetik, eta horregatik esaten da Gipuzkoako jai egunik zaharrena dela. Hasieran, bere iraupena hiru egunekoa izaten zen, 21, 22 eta 23an; gaur egun, ordea, 21an bakarrik egiten da . 


Eta, gurean, urteetako tradizioari jarraituz, aurten ere baditugu hainbat ekitaldi. Beti bezala, Gabon aurreko azken klase eguna abenduaren 21a suertatzen bada, primeran; ez bada, ez du ardurarik, berdin-berdin emango diogu agurra urtearen azkeneko klase egunei, behar den moduan zelebratzeko. Talorik ez badugu ere, oso gozoak diren txorizo bokatak eta turroi zatiak eskaintzen dizkiegu ikasleei, eta ondoko egitarauan ikusten denez, ez dugu ezer falta: bertsolariak ( aurten Arkaitz Estiballes izango da gurekin), dantza ekitaldiak, mus eta esku pilota txapelketak....,


Ondo-ondo pasa, giroa epeldu eta gozatu egoeraz hurrengo urtean indarberriturik bueltatzeko



                         
 Eta gurean, zer? Arean berandu bada ere, gure prentsako ikasle saiatuak fin ibili dira egun horretan batutako argazki eta bideoak beste proiektu batean elkarrrekin batzen. Hau da ondorioa. 

EMAKUMEENGANAKO BIOLENTZIARIK EZ!

Badakizuenez, institutu honetako  Aitor Ibarretxek (Batxilergoko ikasleak) eta Iker Mendazak (4. DBH-ko ikasleak)   azaroaren 25ean bukatu den aurtengo  Beldur Barik lehiaketan hartu dute parte
Hona hemen egin duten lana:




Nahiz eta pertsona askok parte hartu ez duen, Beldur Barik jarrera nabari da zentruan. Pasiloetatik ibili besterik ez duzu indarkeriaren kontrako adierazpenen aurrean aurkitzeko..


viernes, 13 de diciembre de 2013

AZAROKO AZKEN IRRATI SAIOAK

Ondorengoak dituue BERRI-BERRIAK irratiko ikasleek grabatu dituzten saioak. Ea interesgarriak egiten zaizkizuen!!!

Berandu bada ere, ahantz ez dakigun, azaroko azken hamabostaldian urteak bete zituztenei ere zorionak emango dizkiogu ( laster abendukoak gogoraraziko dizkizuegu)

lunes, 9 de diciembre de 2013

2013KO KIROL EGUNA INSTITUTUAN

Badira urteak institutuan kirol eguna egiten hasi ginela. Egun aproposena aukeratzea egiten zitzaigun askotan zail samarra, futbol eta saskibaloi partidek ez zezaten klase orduen haria oztopatu. Aurten, dirudienez, formula magikoa aurkitu dugu, egokiena, beren beregi horretarako jarritakoa dirudiena: DBHko guraso eguna. Bai, hala da, Lehenengo ebaluazioa bukatutakoan, irakasleek, batez ere tutorek, ikasleen gurasoekin hitz egiteko parada izaten dutenez, ikasleak etxean supazter txokoan geratu ohi dira Joan den asteko azaroaren 29 izan zen D eguna, edo hobe K eguna deitu beharko genioke. 
Hasieran esan behar beldurrez, pentsatu genuelako etxetik zetozen ikasleak, partidetan parte hartu beharrean, hortik zehar ibiliko zirela. Usteak ustel! ikaragarria izan zen, antolaketa eta parte hartzearen aldetik ez ezik, sortu zen giroaren aldetik ere inoizko ondoen atera zelako. Hotzak ez gintuen kikildu, arropen geruzak estalita batzuk zein erdi mangutsik eta praka laburretan beste batzuk, dardarka hotzaren eraginez, han ekin zioten gure ikasle-heroiek kirol lehiaketearen gudari, gustura eta alai. futbolean zein saskibaloian. Argazkiak lekuko!

domingo, 8 de diciembre de 2013

ARRIGORRIAGAKO ALKATEARI ELKARRIZKETA


Orain dela hainbat aste, Asier Albizuari (Arrigorriagako alkateari) elkarrizketatxo bat egitea bururatu zitzaigun, gutariko askok ditugun galderei erantzunen bila.
Esan eta egin.
Alkateari eskaera bat bidali, eta Arrigorriagako udaletxera jaitsi ginen Asierri galdeketa sorta bat egiteko.


Hemen daukazue Garazi Suarezek eta Xabier Arestik egindako elkarrizketa.



viernes, 29 de noviembre de 2013

EUSKARAREN EGUNA INSTITUTUAN




Datorren asteko asteartean, abenduaren 3an hain zuzen ere, Euskararen nazioarteko eguna izango da. Hori dela eta, Euskara Batzordeak hitzaldi batzuk eta antzerki saio batzuk antolatu ditu institutuko ikasle guztientzat. Egun bakarrean denak batera egitea ezinezkoa litzatekeenez, astean zehar banatu dira.

Ondoko dokumentu eta egitarauetan ikusiko duzue aste osoko plana.

Hitzaldiak Bilera gelan izango dira; antzerkiak ikusteko, ordea, Lonbora jaitsiko gara. 
Eskerrik asko zuen laguntzagatik. 
HNPko arduradunak

jueves, 28 de noviembre de 2013

BARRIKA ALDEKO ITSASLABARRAK

Bio Geo ikasten duten ikasleak eta 3 irakasle Barrikara joan ginen urriaren 18an. Egun horretan marea baxua zegoenez goizeko 11:00ak inguruan, arroketatik ibiltzeko une egokia izan zitekeela iruditu zitzaigun.
 Denbora tarteak kalkulatu genituen Barrikako hondartzan zehar zenbait tokitan behaketak egiteko.

Itsalabarretik jaisteko pila bat eskailera daude, beheruntz erraz egiten direnak; ez, ordea, geroago, gorantz joateko! Barrikako hondartzaren inguruak arroka oso deformatuez beterik daude: tolestuta, apurtuta, eta horixe bera zen  ikasleek zehaztu behar izan zutena .

Ondo prestaturik joan arren, ikasle bi jausi zitzaizkigun; kolpe handiak hartu zutela eman bazuen ere, egia esan, ez ziren apenas kexatu.

Arin ibili behar izan genuen 6 edo 7 geldiune aztertzeko. Eskaileretatik jaitsi eta eskumatara: toles-failak, toles bat eta txarnela bat  ikusi genituen.

Eskaileretara itzulirik, atseden txikia hartu eta  berriz abiatu ginen akordeoi itxurako tolesak behatzera; ordu erdiko ibilaldia egin ondoren, neketsu, haitzetatik salto eginez-edo, gure helburura heldu ginen. Hor neurtu behar izan zituzten arroken geruzen okermendua eta norabidea, iparrorratza erabiliz.
Batzuk kexaka ea arrokak behatzeko merezi ote zuen txangoak…..eta beste batzuk harrituta nudistak ikusi genituelako, "ke asko" ere entzun genuen……eta surfzaleak zirenez…"zelako gorputzak!"

Gehienek onartu zuten  beharrezkoa dela kalera joatea ikasgaia gureganatzeko, teoria gauza bat dela eta natura  bertatik bertara aztertzea bestelakoa dela.

Hurrengo urtean berdin, edo akaso hobeto!

domingo, 17 de noviembre de 2013

ENERGIA BERRIZTAGARRIAK

ARESKETAMENDI Amurrioko lurraldean dugun energia berriztagarrien parkea da. Gure 2DBHko ikasleak haraino joan zitzaikigun ura, eguzkia, haizea eta biomasari lotutako energia berriztagarrien tresna batzuen funtzionamendua zein den ikus zezaten, garapen iraunkorraren alde nola egin daitekeen ikus zezaten.
Hiru txandatan banatutako bidaiak egin zituzten, den-denek izan zezaten aukera tramankuluen prozeduraz jabetzeko aukera. Azken txandakoek egin zituzten argazkitxoez baliatu gara ondorengo bideoa egiteko. 

AZARO HASIERAKO SAIOTXOAK

Azaroaren hasierako irratiko saiotxoak: Futbolaz Ikastetxean erretzea Horoskopoa3 Asmakizunak

jueves, 14 de noviembre de 2013

EGIAREN PONTXOA

 Aurreko astean, Antonio Omatosek gure institutuan nortasun digitala eta sare sozialez  eman zuen hitzaldiari buruzko sarrera egin bagenuen, gaurkoan, gure bi irakaslek - Alazne Zaratek eta Juan Carlos Guerrak arin hartu dute lekukoa zentroan bertan 1DBHko ikasleekin horren inguruko ekintza bat praktikan jartzeko. Ikusi nahi duzuela zer prestatu zuten? Hona hemen grabatu zuten bideotxoa....ea konturatzen garen Interneten nabigatzean jarrera zuzena izan behar dugula; bestela beste batzuei kalte egiteaz gain, geure burua ere kolokan jartzeko arriskua har dezakegu. KONTUZ!!!
 

jueves, 7 de noviembre de 2013

NORTASUN DIGITALA ETA SARE SOZIALAK

Urriaren 30ean Antonio Omatos-ek Nortasun Digitala eta Sare Sozialei buruzko hitzaldi-tailerra eskaini zigun institutuan. Hauek dira berak emandako helbideak eta atera genituen argazki batzuk:

JON SANTOCILDES, MARRAZKIAK EGITEN JAIOA

Hemen duzue Jon Santocildesi egindako elkarrizketa.  3.DBHko ikaslea oso ona da, hain gaaztea izanik, marrazkiak egiten. Dagoeneko irabazi ditu institutuko lehiaketa batzuk  entzun arretaz elkarrizketa. Espero dugu zuen gustukoa eta baliagarria izatea .

URRIKO AZKEN IRRATSAIOAK

Hemen utziko dizuegu entzun ditzazuen gure 2DBHko ikasleek irratirako egin dituzten azken saiotxoak. Denetarik dago: horoskopo zatiak, atsotitzen azalpena, iritziak, eta nola ez urriko azken astean urteak bete zituztenei zorionak emateko saioak; baita joan den astean galdutzat eman genuena.

ATSOTITZAK

IRITZIAK- GARBITASUNA INSTITUTUAN URRIKO AZKEN ASTEKO URTEBETETZEAK HOROSKOPOA 2

domingo, 27 de octubre de 2013

IRRATSAIO GEHIAGO

Hona hemen ikasleek prestatu duten beste saio bat gehiago. Gaurkoan 1DBHkoei jasotako mezuen berri emango dizuete Martak eta Aitorrek. Bageneukan beste saiotxo bat joan den asteko ikasleen urtebetetzeak gogoratzeko, baina uste dugu sareko lainoan galdu egin zaizkigula!!! Ea hurrengorako errekuperatzen ditugun, nahiz eta berandu samar izan urteak bete zituztenei zorionak emateko. Barkatzen jakingo duzuelakoan..., Eta horretarako musika eta musikagile berrien lanen oparia ekartzea pentsatu dugu. Ea gustuko duzuen sarean aurkitu ditugun hurrengoak, stream eran entzun daitezkeen soul musikako adierazpenak dituzue. EGIN ZUEN ESKAERAK, UTZI MEZUTXOAK ZER NAHI DUZUEN ENTZUN ESATEKO, ETA GUK AHAL DUGUN NEURRIAN ESKARIAK BETEKO DIZKIZUEGU :prentsa@arrigorriagabhi.net

jueves, 24 de octubre de 2013

GURE IKT ARDURADUNA JUAN CARLOS GUERRARI, SARI UGARI

Juan Carlos Guerra, institutuko IKT arduraduna, denok dakigunez, hamaika saltsatan sartuta ibili ohi da, batez ere hezkuntza eta teknologia  mundua uztartzen dituenetan. Ez gaitu harritzen, bada, oraingoan SIMO NETWORK-ek Madrilgo IFEMAn antolatutako jardunaldietako irabazlea berau izateak, ez horixe!




Izan ere, orain dela bi urte sortu zuen "En la nube TIC" izeneko lankidetza proiektuan hezkuntza eta teknologiari buruzko gaiak plazaratzen ditu, arlo horretako web orri irakurrienetakoa izanik. Eta, lan eskerga horregatik SIMO EDUCACION erakundeak lankidetza proiektu onenaren saria eman dio("Premio al mejor proyecto colaborativo y cooperativo")

Zorionak, Juan Car!!!

Ondorioz, irratian elkarrizketa egin ziotenez, hona dakarzkizuegu hartan esandakoak.

lunes, 21 de octubre de 2013

TROKAN, LAGUNEN ARTEAN

Aurten ere, aspaldiko partez gure institutuan egiten izan dugun modura, 1DBHko ikasleak Gorlizko Troka izeneko aterpetxean bildu dira iraileko azken asteko eta urriko leheneko asteko zenbait egunetan. Irteerek bi eguneko iraupena izan dute. Han, ekitaldi eta jardueretan gogotsu parte hartu dute ikasle jatorrek ondoko bideoan ikusiko duzuenez. Ea halako egitasmoek elkar ezagutzen ez duten ikasleen arteko harreman sendorik dakarten!!! 

domingo, 20 de octubre de 2013

AGENDA 21-AURTEN ERE KONPOSTAREN ALDE


AZTARNA EKOLOGIKOA

DBHko geletan aztarna ekologikoa aztertzen ari gara. Gure aztarna ekologikoak  zenbat lur emankor erabiltzen dugun adierazten digu.


Bizimodu jasangarria izango bagenu, gutako bakoitzak 1,8 ha lur emankor erabiliko genuke; bi futbol zelai, gutxi gorabehera.  Baina, zoritxarrez, asko eta azkar kontsumitzen dugu. Bizkaian, batez beste, 4,66 ha erabili behar dugu pertsonako, lau futbol zelai baino gehiago!!!! 


Gure artean ere, gehiegi ari gara lurra zigortzen. DBHko ikasleak Bizkaiko bataz bestea baino apur bat beherago dabiltza, baina ez asko. Gure erritmoa mantenduz gero, bi lur planeta beharko ditugu!



Horrela ezin dugu jarraitu; saia gaitezen, bada, zentzuz jokatzen, eta kontsumitu dezagun gutxiago!!




jueves, 17 de octubre de 2013

BERRI-BERRIAK IRRATIKO ASTEKO SAIOAK

-ASMAKIZUNEKIN HASIKO GARA -ASMAKIZUN HORIEN ERANTZUNAK -ERREZETAK. BIZKOTXOA GUREKIN EGIN NAHI? -ELKARRIZKETAK: Joao Gomes-i elkarrizketa -HOROSKOPOA -URTEBETETZEAK -EGURALDIA: URRIAREN 14TIK 20RA BITARTEKOA

martes, 15 de octubre de 2013

AGENDA 21-AURTEN ERE KONPOSTAREN ALDE



AURTEN ERE, KONPOSTAREN ALDE!

Dakizuenez, aurten ere ekin diogu konposta lortzeko lanari. Helburu hori buruan, Zientzia mintegikoek jantokiko fruta-azalen bilketa antolatu dute; hemen duzue haien blogean ikusgai:
Baina, bada gehiago ere. Gero eta zabor gutxiago sortzeko asmoz, bi konpostagai berri ditugu. Alde batetik, kafe hondarrak. Irakasleen kafe makinak poltsa bete kafe hondar uzten du hamabostero. Hondar horiek lehengai ezin hobeak dira konposta lortzeko. Bestetik, eskuzapi zuriak ere hasi gara konpostatzen, materia hezearen eta lehorraren arteko oreka mantentzen laguntzen baitute. Horrela, gutxiago kutsatu eta gehiago konpostatuko dugu.
Horretaz gain, beste berri batzuk ere baditugu gai honen inguruan: konposta haizatzeko eta iraultzeko hagatxoa erosi dugu. Hona:


Eta, gainera, gela egonkorreko ikasleek kartulina eder hau egin digute, txoko berdean jartzeko:


Eskerrik asko denoi, lan ederra egiten ari zarete eta!

jueves, 10 de octubre de 2013

BERRI-BERRIAK IRRATIKO ASTE HONETAKO SAIOTXOAK

TXISTEAK  URRIKO BIGARREN ASTEKO URTEBETETZEAK IRITZIAK- IKASLEEK PISU GEHIEGI BIZKARREAN!

FERNANDO BARREDO IRAKASLEA HOBETO EZAGUTZEN

 

Ikasleak zurekin ondo portatzen dira?
Nire ustez, bai. Dena den, normalean portaerarena elkarrekikoa izaten da; hau da, ni beraiekin ondo portatzen banaiz ikasleak ere nirekin ondo portatuko dira orokorrean.
Txikitatik nahi  zenuen irakaslea izan? Horrela ez bada zer izan nahi zenuen? eta zergatik amaitu duzu irakaslea izaten?
Txikitan beste interes batzuk izaten nituen (jan, jolastu…) eta batez ere Athletic taldeko futbolaria izan nahi nuen. Baina Bilboko Errekalde auzoko institutuan ikasten nengoenean irakurtzea asko gustatzen zitzaidan, eta klaseak ematen oso originala zen Literatura irakasle bat neukan. Horrela hasi zen dena.
Beste institutu batera joateko aukera izango bazenu aldatuko zinateke? zergatik?
Ez, ez nintzateke aldatuko; ezta pentsatu ere. Beste institutu asko ezagutzen ditut, baina hemen bezain ondo eta gustura ez naiz inon egon.
Zenbat urte daramatzazu irakasle lanetan? Eta institutu honetan? Zein beste institututan  egon zara lanean?
Irakasle moduan 23 urte daramatzat gutxi gorabehera. Hemen 5 urte baino gehiago daramatzat; hau nire seigarren ikasturtea da.
Beste institutu askotan egon naiz, adibidez Balmasedan, Bermeon, Arratzun, Derion, Erandion, Basauriko Bidebietan eta Bilboko Gabriel Arestin, Zurbaranbarriko Ignacio Ellacurian, Atxurin...

Beste ikasgairen bat eman duzu? Zergatik duzu gustuko gaztelania?
Behin baino gehiagotan Latina, Musika, Etika, Etorkinentzako Gaztelania eta Euskara eman ditut.
Gaztelania nire ama-hizkuntza da eta, lehenago esan dudanez, irakurtzea asko gustatzen zait. Horrexegatik daukat gustuko gaztelania.
Lan gogorra da?
Lana gustatzen bazaizu, ez da hain gogorra. Hala ere, nire ustez, komentarioak eta azterketak zuzentzea da gogorrena.

Txikia zinenean zein eskolatan ikasi zenuen? eta unibertsitatean? non ikasi zenuen euskeraz hitz egiten?
Txikitan Leioako Askartza Ikastetxean ikasi nuen. Gero Bilboko Errekalde auzoko Institutura joan nintzen, eta handik Gasteizko Euskal Herriko Unibertsitatera, “Filología Románica” ikastera.
Bestalde, Bilboko Juan Mateo Zabala eta Ulibarri euskaltegietan ikasi nuen euskaraz hitz egiten, baita nire emaztegaiari esker ere (bera Zornotzakoa eta euskaldun zaharra da).
Noizbait ikasleren bat begiko izan duzu? eta begitan hartu?
Bai, noizbait ikasle bati pilota konfiskatu egin diot. Je je. Txantxak alde batera utzita, normala da ikasle batzuekin beste batzuekin baino “feeling” handioagoa izatea, baina saiatu behar dugu horrek gure zuzenketetan eta erabakietan eraginik ez izaten.
Gustatzen zaizu zuri pelota egitea? Zergatik?
Niri benetan gustatzen zaidana ikasleak, eta jendea orokorrean, zintzoak izatea da. Ez zait gustatzen hipokrisia edo itxurakeria.
Kontatuko diguzu irakasle moduan gertatu zaizun pasadizo barregarriren bat?
Egia esan,  ez dut uste behin batean Balmasedako Institutuan gertatutakoa barregarria izan zenik (penagarria bai), baina kontatuko dut. Azterketa batean izan zen. Ikasle bati hasieratik nabaritzen zitzaion oso urduri zegoela. Denboraren erdia pasata, ikaslea altxatu zen eta beste orri bat eskatzen hurbildu zitzaidanean,  ez zen konturatu, edo ahaztu zitzaion, luzatzen zidan eskuan (ahurrean hain zuzen ere) txuleta galanta idatzita zeukala.

Orain zuk dituzun gustuko galderak egingo dizkizugu:
Zer nahiago duzu pelikulak ikustea edo liburuak irakurtzea? zein da zure gustukoen filma? eta gehien gustatzen zaizun liburua? Kirola egitea atsegin duzu?Zein?
Biak gustatzen zaizkit, pelikulak eta liburuak. Beharbada nahiago dut liburuak irakurtzea. Pelikula asko dira nire gustukoenak, adibidez “L. A. Confidential”;baina azkenetarikoetan “Cruce de caminos” asko gustatu zait. Nire gustukoen liburua aukeratzea zailagoa da. Idazle bat aukeratuko dut: Paul Auster.
Kirola egitea ere oso atsegin dut: tenisa, korrika eta, batez ere, areto futbola (“fútbol sala”).
Dena den, nire zaletasun handiena -nahiz eta horretaz ez galdetu- musika entzutea da.

Futbola gustatzen zaizu? Praktikatzea ala telebistatik ikustea? Zein da zure futbol talderik gustukoena eta txikitan zenuen gustukoa?
Bai, futbola gustatzen zait, eta nahiago du pratikatzea telebistan ikustea baino. Larunbatero areto futbola praktikatzen dut. Nire taldea Athletic-a izan da betidanik; ez ahaztu bilbotar hutsa naizela.
Eskerrik asko gure galdereei erantzuteagatik, hurrengora arte.
Ez horregatik, oso elkarrizketa atsegina izan da. ¡Klasean ikusiko dugu elkar!

martes, 8 de octubre de 2013

JON ARANDIA JUBILATU ZAIGU

Hainbat lanetan aritu ondoren, hemezortzi urtean gurekin institutuan egon den Jon Arandiak  erretiratzea, atseden hartzea, erabaki du. Hala, goitik behera moldatu beharko du bizitza, zeregin berriak aurkitu beharko ditu,. ikasleen hutsunea somatzen hasten bada behintzat; bestela, ondoko bideoan, berak esaten digunez, ortuan aritzeak eta paseoan ibiltzeak ere lagun diezaioke. Edozelan ere, majo-majo etorri zitzaigun lehengoan gure prentsako ikasleek elkarrizketan egingo zizkioten galderei erantzuteko prest.
Ondo ibili, Jon!!!

martes, 1 de octubre de 2013

Txan-txan!!!! Badator "BERRI-BERRIAK" izeneko IRRATIA

Hemen daukagu, jada, gure 2 DBHko Irratiko ikasleak nahi zutena. Oraindik dauzkagun eragozpenak handiak dira, infraestrukturen aldetik zein lana eratzeko aldetik; zer esanik ez, daukagun tresneria ez dela oso aproposa. Hala ere,  gu ere Larramendiren antzera, ezinak gainditzeko gogo itzelaz ari gara lanean. Egia esan, kazetaritza lanetan ezer gutxi dakigun arren, ekina txarra denez, ekinez ezina gaindituko dugu.
Ondorengoa da Aitanak eta Ikerrek beste 2.eneko saskibaloian jolasten duen kide bati egin zioten elkarrizketa....Bai...badakigu!... sintonia... musika, eta hainbat gauza falta ditu...Apurka-apurka, bidea luzea da eta!!!
Adi eta erne ibili, hamaika eratako saiotxo laburrak egingo baitituzte bigarren mailako Berri-Berriak irratiko ikasleek: horoskopoa, eguraldia astez aste, noren urtebetetzeak diren aste horretan zorionak opatzeko, institutuko neska-mutilen arteko txaskarrilo eta esamesak, mezuak, inkesten berri, eta beste abar luze bat, baita sukaldaritzan hasberriak zaretenontzako errezeta errezak. 
Ez kokildu eta utzi zuen mezuak, iradokizunak eta nahi duzuena gure prentsako helbidean: prentsa@arrigorriagabhi.net. Zain izango gaituzue!!!!

lunes, 23 de septiembre de 2013

BELDUR BARIK 2013ko LEHIAKETA MARTXAN

BELDUR BARIK JARRERA

Beldur Barik, ez da lehiaketa soil bat. Emakumeek jasaten dituzten zenbait tratu txarrei aurre egiteko sortutako kanpainia da. Batzuetan, emakumeek tratu txarrak jasan behar dituzte eta askotan ez dira konturatzen. Helburua, gazteek gaiari buruz pentsatzea eta euren inplikazio aktiboa sustatzea da. 
www.beldurbarik.org web-gunetik aterata (moldatua)


Hurrengo hilabeteko 15era arte duzue Beldur Barik lehiaketan parte hartzeko aukera. Lehengo urteetan ez bezala, urte honetan, bideoak soilik onartuko dira.

Parte hartu nahi baduzu, ikus itzazu aurtengo oinarriak, hemen klik eginez.


Aurtengo Beldur Barik topaketa, Basaurin izango da. Oraindik, ez dakigu noiz burutuko den, baina, ziur gaude ikaragarria izango dela.


Anima zaitez eta parte hartu!

Informazio gehiago: www.beldurbarik.org

Garazi Suárez eta Xabier Aresti 

jueves, 19 de septiembre de 2013

MANUELA VIRTO, MATEMATIKAK IRAKASTEN BERRITZAILE


Manuela Virto  Arrigorriaga institutuko Matematika irakaslea joan den irailaren 17an azaldu zitziagun ETB 1eko albistegian, zientzia, eta zientzien artean matematikak, irakasteko modu berritzaileagoa erabiltzen duelako. Dirudienez, azkeneko ikasleei egindako ikestek gure neska-mutilek zientzia eta alor horretako gaiak ez dituztela oso gustuko erakusten dute;  horregatik, erakunde eta Gobernutik hainbat ekimen berri sortu dituzte ikasgai latzak atsegin gerta dakizkien ikasleei. 

IZARREN ARTEAN, IZARO


Badakigu pixkat berandu gabiltzala, aspaldi izan zelako gure  Izaro Arbide ikasleari buruzko albistea,...bai, gure ikastetxean ikasi du eta OSO HARRO gaude, Bizkaian Hautaprobetako notarik onena izan duelako, 9,8.

Arrigorriaga institutuko komunitateko kide guztiek ZORIONIK  beroenak eman nahi dizkizute, ikasketetan eta bizitzan nahi duzuna egitera eta izatera hel zaitezen. 
Honi buruzko albistea 2013ko ekainaren 30eko El Correo egunkarian aurkituko duzue.


 

domingo, 8 de septiembre de 2013

HASIERAKO EGUNA!

Berriro hemen...ez dakigu gogoak ekarri gaituen ala bi hilabetetan ikusi gabeko lagunak berriz agurtzeko eta besarkatzeko asmoak..., edozelan ere  IKASTEAren bueltan ibiliko gara denok, gure ala gure ez, ikasle eta irakasle. Negarrak, barreak eta besarkadak, egun hunkigarria 2013-2014 ikasturteri hasiera emango dion lehen eguna. 
Mantsotasuna izan da nagusi gela eta pasabide barrenetan, txintxo-txintxo bideratu dira gazteak euren ikasgeletara nork eta zein ordutan emango dien zein ikasgaia jakin nahian. Batzuen poza nabaria aurpegietan  irakasle bat edo bestek emango diola, edo zerreda bat edo bestean dagoela jakitean; beste batzuek, ordea, muturra luzatu dute. 
Animo, ikasturte berriari gogor ekiteko!!!