domingo, 17 de enero de 2016

SANTOMASAK 2015

Santo Tomas jaia Euskal herri eta hirietan egiten den baserritarren jaia eta festa da. Ospetsuenak Donostian izaten dira, baina Bilbon, Lekeition, Zaldibarren… ere ospetsuak izaten dira.
Lehen baserri-feria eguna zen; gaur egun,ostera, euskal baserriaren kultureko jai bihurtu da. Bertan baserriko produktuak erakusteaz gain, salgai daude kalean jarritako salmenta-postuetan.

Jatorria XIX.mendekoa da. Baserritar askok bizi ziren haien baserrietako errenta ordaindu behar zioten jabeari. Errenta ordaintzeko eguna San Martin, azaroaren 11, izaten bazen ere, San Tomas eguneraino luzatzen zuten. Eguna aprobetxatuz, euren produktuak (barazkiak, kapoiak, oilaskoak...) salduz, beste batzuk erosi ere egiten zituzten. 

Gure institutuan, Arrigorriagako institutuan, urtero bezala, ospakizun berezia egiten dugu azken urteko klase egunean, aurten abenduaren 23an izan dena.

Bi klase-saioren ondoren, “Santo Tomas”eko ekintzaz beteriko jaialdiari eman zaio hasiera: euskal dantzak, jolasak, xake txapelketa, herri kirolak, musika, pilota eta mus finalak, trofeo banaketa, eta nola ez...,txorizoa eta turroia ere banatu dira!!!



Jone Landa & Oier del Cura (Prentsa tailerra)

No hay comentarios:

Publicar un comentario en la entrada