2016-17ko URTEKARIA

Hemen duzue aurtengo urtekaria. Seguruenik, ikasturtean zehar egindako jarduera eta argazki guztiak ez dira hemen ageri; hala ere, garrantzitsuenak hor aurkituko dituzelakoan gaude. GOZATU ETA urteko oroimenekin batera gorde!!!

MIREN, IRATI eta ANDREA IKASLEEI AGURRA

Gela egonkorrean jaitxoa egin zitzaien joan den astean aurten bukatuko dutenei: Miren, Irati eta Andrea. Mahaikada bete pintxo eta beste gutiziak dastatu zituzten han agurra ematera bildu ziren guztiek. Ondo ibili, neskak eta ZORIONTSUAK IZAN!!!

 

 

 

MARRAZKETAKO ZENBAIT LAN

Marrazketako irakasleek aurtengo ikasleei egindako lanak eskatutakoan, pozik eskura jarri dizkigute 2DBHkoek grisalka teknikaren bidez egindakoak. Aukera emango digute gure blogeko irudiak aldatzeko!!



Carmen Romero

HNPkoen irteera

Urtero bezala, talde polita sortzen da HNPn ( Hizkuntza Normalkuntza Proiektua), hainbat ikaslez eta irakasle batzuez osatua. Aurreko urteetan, akaso, hobeto prestatzeko aukera izan zutelako edo, ekintza berezi eta irteera potoloak egin zituzten. Aurten, egutegiaren estuak bete-betean harrapatu dituenez, halako handikerietan sartzeko betarik ez izan arren, majo gozatu dute elkarrekin tortilla parearen aurrean Mendikosolon. Euskara, euskaraz eta euskararekin!!!!

ZUZTARLUZE FINALA

Ekainaren 9an Lonbo aretoan egin zen Zuztarluze lehiaketaren finala. Aurreko sarrera batean esan genuen moduan,  1DBHko ikasle guztiez bete zen aretoa. Oihua, gilistrua, zalaparta, kalapita zen nagusi gela bakoitzeko ikasleek haien gelako finalistak animatzen. Giro ederra sortu zen! 

Azkenean, hiruzpalau ariketen ondoren, garaile atera zitzaizkigun 1Eko Azibar eta leire. ZORIONAK!!!!!!

 

 

LAIDAKO HONDARTZAN KANOETAN

Heziketa Fisikoko mintegiak antolatuta, ekainaren 2an, 5ean eta 6an 2DBHko ikasle guztiak Laidako hondartzara joan ziren kanoetan eta Big paddleetan aritzeko. Lehenengo eta azkeneko egunean eguraldiak askorik lagundu ez bazuen ere, astelehenean joatea egokitu zitzaienei egun ederra suertatu zitzaien. Edozelan ere, goiz osoan aritu ziren poz-pozik  geletatik kanpo uretako jardueretan. Ez didazue sinisten? Ondoko argazkiei begiratu eta ondorioak atera.

 

 

 

 

 

 

Edorta Agirre

BATXILER 2.EKOEI AGURRA

Zenbat joan-etorri egin dituzten gure ikasleek sei urteotan! zenbat liburu urratu dituzten!  zenbat motxila apurtu duten! zenbat lagun bidean geratu! zenbateko karga hartu duten lepo gainean! Zerrenda amaigabea izan daiteke. Hala ere, aldaketarik nabarmenena adimenean eman dute: ume sartu ziren ikastetxean, gizon eta emakume bihurtuta aterako dira, prest gizarteak aurrean jarriko dizkien oztopoei aurre egiteko.

Guk, beste urte batez, eta bosgarrena delakoan nago, zoriondu eta omendu nahi izan ditugu Batxiler 2.eneko  ikasleak Lonbo aretoan egin den ekitaldi gozoarekin.

Ondo ibili aurretik duzuen bidaia luze horretan!!! Gaizki esanekoak ez gorde, eta ondo esanekoak kontuan hartu!

ZUZTARLUZE LEHIAKETAREN FINALA, LONBO ARETOAN

Datorren ostiralean, ekainaren 9an, 12:00etatik aurrera izango da Arrigorriaga institutuko Zuztarluze finala Lonbo aretoan. !DBHko ikasle guztiak joango dira.  Finalistek  oholtza gainean azken lehiaketako probak betetzen dituztenean, bikote bat baino ez da garaile geratuko. 

Hemen dituzue lau bikotekideen izen-abizenak. Saiatu zuen taldeko direnen koloreko kamisetak eramaten!!!

Elene Bilbao eta Garazi Andres 1Akoak----URDIN

Irati Leal eta Markel Fernandez 1Bkoak --- GORRI

Deiene Arroyo eta Iraia Suarez  1Dkoak----LARANJA

Izaro Nuñez eta Azibar Elorz     1Ekoak--- BERDE

Ekitaldiaren dinamikaz gehiago jakin nahi izanez gero, segidan duzue zein atalez osatuko den:

-11:45- Aretora sarrera

-12:00- Galaren hasiera

           -Aurkezpen orokorra

           -Bikote parteahartzaileen aurkezpena.

           -Jolasa (1-5 proba, 4 bikoteek)

           -Bikote bi kanporatu / beste bi buruz burukora

           -Finala (6 proba - bi bikoteek)

           -Puntuazio eta sari banaketa

           -Amaiera.

Aurkezlea: Maria Urcelay

Ekoizpen eta Errealizazioan: Alberto De Abajo

Zuzeneko soinua: Ion Arenas, Lonbo aretoa

Datorren astean ekarriko ditugu ekitaldean ateratako argazkiak eta nortzuk geratu diren garaile. Zorte on denontzat!!!!

GELA ITXIKOEN IRTEERAK: ARTZINIEGA ETA ITSAS MUSEOA

Asteartean, maiatzaren 30ean, Artziniegan Museo Etnografikoa bisitatzen egon ginen. Eguraldia ez genuen lagun izan baina eskerrak frontoi ederra dagoen,  eskupilotan...edo aritzeko aukera eman zigun eta!!!

Martxoaren 24an, ordea, Bilbora jaitsita, Itsas Museoa ikusteko parada izan zuten gela itxiko ikasleek. Eta ederto pasatu zutenez, egunaren aztarnatxoa utziko duten argazkiak egitea otu zitzaien

Ainara Aparicio

KERIK GABEKO GELAK

Aurten ere, hirugarren aldiz, DBHko 2. mailako ikasleek parte hartu dute “KERIK GABEKO GELAK” programan.

Programaren helburu nagusia tabakoaren kontsumoa saihestea edo behintzat erretzen  hasteko adina atzeratzea da.

Ikasleekin lantzen diren jardueren artean kamiseta-diseinu lehiaketa dago. Diseinuak tabakismoa nola prebenitu marrazki, hitz edo esaldi baten bidez adierazi behar du

EAE mailako lehiaketa da eta hortik irabazle orokor bat aterako da. Herri mailan ere sarituko da gure ikasleen lana. 

Institutuko sarreran ikusgai daude aurtengo lanik onenak. Ikasle eta irakasleen bozken bitartez aukeratutko da txapelduna eta berak jasoko du Arrigorriagako alkatearen eskutik bertoko saria.

Irabazleak,  ondorengoak:

Bego Kalero

BRETOIAK HEMEN

Urtero bezala, eta 14. urtea izan da, Diwan Institutuko ikasle batzuk, 22 ikasle hain zuen ere, gure institutuan izan ditugu maiatzaren 2tik 11ra bitarteko egunetan. Ikasle horiekin hiru irakasle etorri dira Fatiah, Yannil eta Ewan. Bitxikeria modura esango dizuegu, Yannil ikaslea zenean (2005ean edo) Arrigorriagan egon zela trukean parte hartu zuelako.

Arrigorriagara maiatzaren 2an heldu ziren, iluntzeko bederatziak aldera eta bai gure ikasleak, bai haien gurasoak han zeuden zain. Gure ikasleak oso urduri zeuden, baina, heldu zirenean, elkar ezagutzen zutenez, arazorik gabe, bakoitza bere trukeko ikaslearekin  elkartu eta etxeetara abiatu ziren. Javi Gonzalez eta Mari Carmen Alonso irakasleek Bretainiako irakasleak afaltzera eramateko ardura hartu zuten. 

Hurrengo egunean,  bretoiak Javirekin Bizkaiko Zubia ikustera joan ziren. Getxora heldu eta igogailuz igo ziren goiko pasabidera. Itzulerako bidea transbordadorez egin zuten. Azkeneko urteetan gustuko izan dutenez irteera hori, aurten ere egitea pentsatu dugu; ez dira damutu.

Asteburuan zehar gure ikasleen etxeetan egon dira eta familia bakoitzak antolatu ditu asteburuko ekintza propioak. Badakigu ikasle bretoi bat gaixotu zela eta bai bera, bai berarekin zegoena oso asteburu "dibertigarria" pasatu zutela etxetik atera gabe. Eskerrak ez  zen gauza larria izan eta astelehenean kalean izan genituen biak ala biak.

Astelehenean, maiatzaren 8an, egun osoko irteera egin zuten Gernika, Bakio eta Gaztelugatxeko San Joanera Janire irakaslearen laguntzaz. Baserri bat ere bisitatu  zuten gure ikasleekin batera, itzezlezko eguraldiak lagun Gure ikasle batzuek ikusitako parajeei buruzko  azalpentxoak eman zizkieten. Irteera hau ere urtero egiten dugu gustatzen zaielako.

Arratsaldeko 17:30etan Arrigorriagako alkateak harrera egin zien Udaletxeko beheko aretoan. Bretoiek eman zioten ekarritako koadroa, eta alkateak bakoitzari poltsa bat, bisera eta beste gauza batzuk banatu zizkien.  Gure ikasleek eta bretoiek kanta bat euskaraz  eta bretoieraz beste bat abestu zuten. Onartu behar da haiek euskarazko kanta gure ikasleek bretoierazko kanta  baino askoz hobeto zekitela. Horrek esan nahi du  entsaio gehiago egin behar ditugula datorren urterako lotsagarri geratu nahi ez badugu. Jarraian, Poli tabernan  prestaturik zegoen luntxari ekin genion

Asteartean, El Pobal burdindegira eta La Encartada fabrika eta museora joan ziren bretoiak Hugo irakasleak lagunduta. Egun osoko irteera izan zen eta aurreko egunean bezala, eguraldi ona izan zuten. Arratsaldeko 16:00etan institututik pasatu ziren gure ikasleekin batera Arrankudiagara joateko, herri horretako alkateak 16:30etan bretoiei harrera egiteko asmoa zuelako. Urtero bezala, hango pilota partida  batzuen ondoren, aukera eman zitzaien jolasteko Ekitaldiari  amaiera ederra eman zitzaion txokolate beroa eskainiz

           

Azkeneko eguna erosketak egiteko eguna izaten da. Hori dela eta, Bilbora eramatn genituen, Alde Zaharrera hain zuzen ere. Joan baino lehenago institutuko jantokian euskal dantzak ikasteko aukera izan zuten bretoiek, batxilerreko ikasle batzuen laguntzaz. Eskerrik asko Ane eta Karmele!!!!! Gure ikasleak ere egon ziren ekintza honetan parte hartzen. Dantzak ikasteaz gain, aukera izan zuten txalaparta jotzen ikasteko Joseba Ibarretxe eta Tere irakasleen eskutik.

 

                          

Mari Carmen alonso ( Trukearen antolatzaileetako bat)